Amtsbókasafnið vill vekja athygli á breyttum opnunartíma í vetur. Opið er alla virka daga (mánudag til föstudags) frá klukkan 14.00 til 18.00. Nýjar bækur eru alltaf að koma inn og von er á nýjum mynddiskum í lok vikunnar. Verið er að setja upp tillögu box í safninu þar sem hægt er að setja tillögur og kvartanir. Einnig er hægt að gerast aðdáandi Amtsbókasafnsins á Facebook og gera athugasemdir þar.

Grunnskóli Borgarfjarðar hefur nú fengið ný símanúmer. Aðalnúmer skólans er 430 1500 og þar fæst samband við allar deildir skólans. Símaskrá skólans má nálgast hér.

Símenntunarmiðstöðin hyggst halda námskeið í olíumálun ef næg þátttaka fæst. Farið verður í undirstöðuatriði olíumálunar, litblöndun. Myndbyggingu, áferð og íblöndun. Unnið verður á pappír og striga. Pappír og strigi er innifalið í námskeiðsgjaldi en þátttakendur taka með sér olíuliti og pensla. Kennt verður að Bjarnarbraut 8 í Borgarnesi, mánudaga kl. 19-21 frá 13. september til 25. október. Kennari er Áslaug Sigvaldsdóttir kennari og myndlistakona. Einungis vantar tvo þátttakendur í viðbót til að unnt sé að halda námskeiðið og eru áhugasamir hvattir til að skrá sig.

Aðalfundur Fornleifafélags Barðstrendinga og Dalamanna verður haldinn í Kaupfélagshúsinu, Króksfjarðarnesi miðvikudaginn 8. september 2010, kl. 20:00. Dagskrá. Venjuleg aðalfundarstörf Sagt frá rannsóknum í Haukadal, Oddbjarnarskeri og Skáleyjum.

Fimmtudaginn 9.september í Átthagastofu, frá kl. 20:00-21:30 Farið verður yfir hvernig hægt er að styrkja ónæmiskerfið fyrir veturinn með mataræði,vítamínum og jurtum. Leiðbeinandi er Ásdís Ragna Einarsdóttir. Frír aðgangur en nauðsynlegt er að skrá sig. Skráning fer fram á www.simenntun.is eða í Átthagstofu í síma 433 6929. Einnig er hægt að panta einkaráðgjöf. Viðtölin þarf að panta hjá Símenntunarmiðstöðinni í síma 437 2390. Ásdís Ragna Einarsdóttir útskrifaðist með BSc gráðu í grasalækningum árið 2005 frá University of East London í Englandi. Hún hefur í gegnum árin sótt fjölda námskeiða og fyrirlestra um heilsutengd málefni. Einnig heldur hún sjálf reglulega fyrirlestra og námskeið. Hún er meðlimur í tveimur virtustu alþjóðasamtökum grasalækna. Nútíma grasalækningar eru heildræn meðferð sem byggir á notkun jurtalyfja til meðhöndlunar á ýmsum einkennum og kvillum....

Leikskólabörn í ráðhúsheimsókn á öskudaginn Byggðarráð samþykkti á fundi sínum þann 2. september síðastliðinn að lengja daglegan opnunartíma leikskóla til kl. 16:30 frá og með 1. október næstkomandi. Föstudagslokun vegna starfsmannafunda verður óbreytt út yfirstandandi ár en byggðarráð felur fræðslunefnd að skoða möguleika að breyttu fyrirkomulagi frá og með árinu 2011.